Mae Katie yn Arweinydd Dros Dro yr Ystafell.
🌈 Rydym yn dechrau ein diwrnod gyda’n gilydd gyda brecwast hamddenol, gan roi cyfle i bawb setlo i mewn, sgwrsio gyda ffrindiau a pharatoi ar gyfer diwrnod llawn hwyl yn y feithrinfa.
🌈 Yn ystod brecwast, gall y plant ddewis o Rice Krispies, Corn Flakes neu Weetabix, ynghyd â thost. Rydym yn cynnig llaeth neu ddŵr i’w yfed.
🌈 Ar ôl brecwast, rydym yn mynd i mewn i’n ystafell Enfys, lle gall y plant ddewis o amrywiaeth o weithgareddau ac ardaloedd i’w harchwilio.
🌈 Efallai y byddant yn mwynhau chwarae gyda cheir a thractorau, gweini cwsmeriaid yn ein marchnad fach, coginio a gofalu am eraill yn y gornel gartref, adeiladu a chreu yn ein hardal adeiladu, neu fwynhau stori dawel yn ein gornel ddarllen.
“Dw i’n hoffi chwarae gyda deinosoriaid.” Louie, 3 oed.
🌈 Ar ôl peth amser i chwarae ac archwilio, rydym yn dod at ein gilydd i fwynhau byrbryd iach o ffrwythau neu lysiau ffres, ynghyd â diod.
🌈 Nesaf, mae’n amser brwsio ein dannedd cyn mynd allan i fwynhau’r awyr iach a chwarae yn yr awyr agored. Rydym wrth ein bodd yn cael lle i redeg, archwilio a mwynhau llawer o weithgareddau corfforol yn yr awyr agored.
🌈 Pan fyddwn yn dod yn ôl i mewn, rydym yn mwynhau amser stori a chanu gyda’n gilydd cyn golchi ein dwylo ac eistedd i lawr i fwynhau pryd o fwyd blasus wedi’i goginio gartref, wedi’i baratoi’n ffres gan Sarah, ein Cogydd yn y Feithrinfa.
🌈 Ar ôl cinio, rydym yn mynd i’n hardal Chwarae Meddal a Synhwyraidd, lle mae digon o gyfleoedd i chwarae’n egnïol, archwilio a chael hwyl.
🌈 Wedyn, mae’n amser cael hwyl yn mynd yn fudr! 🎨
Mae ein Hystafell Fwdlyd yn ffefryn ymhlith y plant, lle gallant archwilio amrywiaeth o weithgareddau synhwyraidd a chreadigol.
🌈 Yn dibynnu ar y diwrnod, efallai y byddwn yn chwarae gyda ewyn eillio, gwygbys, paent, llysnafedd a llawer mwy!
🌈 Mae gennym hyd yn oed bwll tywod dan do ein hunain, gan roi cyfle arall i’r plant gloddio, sgwpio, arllwys ac archwilio drwy chwarae
🌈 Nesaf, rydym yn mynd i’n Hystafell Addysgol, lle rydym yn mwynhau amrywiaeth o weithgareddau dysgu hwyliog ac ymarferol. Dyma ble gallwn ganolbwyntio ar ddatblygu sgiliau newydd, archwilio ein diddordebau a dysgu drwy chwarae.
🌈 Yna, mae digon o amser i gael te bach ysgafn cyn paratoi i fynd adref ar ôl diwrnod arall llawn hwyl yn Sêr Bach!
“Dw i’n hoffi chwarae gyda theganau a’r tywod” Harri, 4 oed”
